कोरोनाची दुसरी लाट ओसरत असतानाच राज्यात ओमिक्रॉनचा शिरकाव झाला आणि देशातील सर्वाधिक रुग्ण महाराष्ट्रात आढळले.
सोलापूर : दक्षिण आफ्रिकेतील (South Africa) ओमिक्रॉन (Omicron) महाराष्ट्रापर्यंत (Maharashtra) पोचला. पिंपरी- चिंचवड (Pimpri-Chinchwad), पुणे (Pune), भिवंडी (Bhiwandi), मुंबई (Mumbai) या ठिकाणी दहा रुग्ण आढळल्यानंतर नुकत्याच सुरू झालेल्या राज्यातील शाळांमधील (School) विद्यार्थ्यांची (Students) पटसंख्या तीन ते साडेतीन लाखांनी घटल्याची माहिती शिक्षण विभागातील सूत्रांनी दिली. शाळांनी विद्यार्थ्यांना उपस्थितीचे बंधन घालू नये, असे निर्देश शिक्षण आयुक्तांनी (Commissioner of Education) दिले आहेत.
राज्यातील नंदुरबार (Nandurbar), धुळे (Dhule), हिंगोली (Hingoli), अमरावती (Amravati), वाशिम (Washim), बुलढाणा (Buldhana), वर्धा (Wardha), भंडारा (Bhandara), गोंदिया (Gondia) व गडचिरोली (Gadchiroli) या जिल्ह्यांमधील कोरोनाचा (Covid-19) प्रादुभार्व कमी झाला. त्यामुळे दोन वर्षांपासून बंद असलेल्या पहिली ते चौथीच्या शाळा सुरू करण्याचा निर्णय झाला. कोरोनाची दुसरी लाट ओसरत असतानाच राज्यात ओमिक्रॉनचा शिरकाव झाला आणि देशातील सर्वाधिक रुग्ण महाराष्ट्रात आढळले. भिवंडीत रुग्ण सापडल्यानंतर दोन दिवसांतच पुणे जिल्ह्यात सात रुग्ण आढळले. 28 नोव्हेंबरनंतर राज्यातील विविध जिल्ह्यांमध्ये परदेशातून जवळपास पाच हजारांहून अधिक प्रवासी आले आहेत. त्यांची ऍन्टीजेन चाचणी निगेटिव्ह आली असून बहुतेक रुग्णांची आरटीपीसीआर टेस्टदेखील निगेटिव्हच आली आहे. तरीही, खबरदारी म्हणून पुणे, मुंबईसह सोलापूर, नाशिक, नगर, कोल्हापूरसह काही जिल्ह्यांमधील पालकांनी मुलांना शाळेत पाठविणे बंद केले आहे.
राज्यातील पहिली ते बारावीपर्यंतच्या एक लाख 10 हजार 229 शाळांमध्ये दोन कोटी 21 लाख 74 हजार 625 विद्यार्थी आहेत. पुणे जिल्ह्यात पहिली ते बारावीपर्यंतच्या सर्वाधिक सात हजार 455 शाळा असून त्या ठिकाणी 21 लाखांपर्यंत विद्यार्थी आहेत. दुसरीकडे मुंबईत चार हजार 343 शाळा असून त्या शाळांमध्ये जवळपास 14 लाखांपर्यंत विद्यार्थी आहेत. 'ओमिक्रॉन' बाधित रुग्णांमध्ये सौम्य लक्षणे आढळली असून नागरिकांनी घाबरू नये, लसीकरण करून घ्यावे, मास्क, सोशल डिस्टन्सिंगचे पालन करावे, असे आवाहन राज्य सरकारने केले आहे.
राज्यातील शाळा बंद ठेवण्यासंदर्भात अजून काहीच निर्णय झालेला नाही. शाळा सुरू ठेवायच्या की बंद करायच्या, यासंबंधीचा निर्णय स्थानिक परिस्थितीचा अंदाज घेऊन जिल्हाधिकारी, महापालिका आयुक्त घेऊ शकतात. विद्यार्थ्यांना शाळेत उपस्थित राहण्याचे शाळांनी बंधनकारक करू नये.
- विशाल सोळंकी, शिक्षण आयुक्त, मुंबई
राज्यातील शाळांची सद्य:स्थिती...
एकूण शाळा : 1,10,229
पहिली ते सातवीचे विद्यार्थी : 1,34,84,879
आठवी ते बारावीचे विद्यार्थी : 86,89,746
शिक्षकांची संख्या : 5,12,063
ओमिक्रॉनमुळे घटली पटसंख्या : 3.45 लाख
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.