औरंगाबाद : नागपूर-मुंबई बुलेट ट्रेनसाठी सरकार तुमच्या पाठीशी आहे. आम्ही तुमच्याबरोबर आहोत. तुम्ही प्रेंझेटेशन नाही दिले तरी मी तुमच्या बरोबर आहे, असे आश्वासन मुख्यमंत्री उद्धव ठाकरे (CM Uddhav Thackeray) यांनी केंद्रीय रेल्वे राज्यमंत्री रावसाहेब दानवे (Union Minister Of State For Railway Raosaheb Danve) यांना दिला. औरंगाबाद (Aurangabad) जिल्हा परिषदेच्या इमारतीचे भूमिपूजन मुख्यमंत्री ठाकरे यांच्या हस्ते आज शुक्रवारी (ता.१७) झाले. त्यावेळी ते बोलत होते. ठाकरे म्हणाले, की रुळ सोडून रेल्वे जात नाही, म्हणून मला रेल्वे आवडते.

राजकारणात काय घडू द्यायचे हे आपल्या हातात आहे. जिल्हा परिषद नव्हे तर जनतेचे सेवेचे आहे. माॅडेल उत्तम आहे. मला आता तारखा हव्या आहेत. मराठवाडा मुक्तिसंग्रात क्रांतिकारकांनी रक्त सांडले त्यांना नम्रपणाने अभिवादन करतो. आम्ही जे काही करतो ते तुमच्यामुळे. तुमच्या आशीर्वादाचे छत्र नेहमी असाव, अशी मागणी जनतेकडे ठाकरे यांनी केली.