मुंबई - राष्ट्रपती रामनाथ कोविंद (President Ramnath Kovind) यांच्या हस्ते राजभवनात नव्या दरबार हॉलचे उद्घाटन झाले. यावेळी राज्यपाल भगत सिंह कोश्यारी (Bhagat Singh Koshyari), मुख्यमंत्री उद्धव ठाकरे (Uddhav Thackeray) यांच्यासह इतर नेते उपस्थित होते. मुख्यमंत्री उद्धव ठाकरे यांनी मोजक्याच शब्दात आपलं बोलणं आटोपलं. त्यांनी या नव्या वास्तूमध्ये आनंददायी घटना घडतील अशी अपेक्षा व्यक्त केली. तर राज्यपाल भगतसिंह कोश्यारी यांनी म्हटलं की, 'राजभवन केवळ राजकीय वस्तू नाही तर लोकांसाठी असावं.'

राज्यपाल यांनी राजभवनाच्या परिसराचं वैशिष्ठ्य सांगताना म्हटलं की, मलबार हिल तिन्ही बाजूनंनी समुद्र आहे. अनेक वर्षांपासून बाण गंगा देखील वास करते. सिद्धिविनायक आणि मुंबा देवीची यावर कृपा आहे. मी अडीच वर्षांपासून इथे आहेत आणि राजभवन केवळ राजकीय वस्तू नाही तर लोकांसाठी असावं. विशेष करून कोरोना काळात विद्यार्थ्यांच्या दृष्टीने विचार केला असेही ते म्हणाले.

कोरोनानंतर 5-6 महिन्यांनंतर माझ्याकडे लोकांनी येऊन काही अधिकाऱ्यांचे कौतुक केलं आणि त्यांचा गौरव करण्यास सांगितलं. जवळ जवळ 5000 लोकांचा मी गौरव केला. माझ्या आईने मला खूप करुणा दिली त्यामुळे मला कोरोनाची भीती नाही असेही राज्यपालांनी त्यांच्या भाषणावेळी सांगितले.