मुंबई : राज्यात ओमिक्रॉन बाधित एकही रुग्ण आज सापडला नाही. त्यामुळं काहीसा दिलासा मिळाला आहे. आधी कल्याण-डोंबिवली नंतर मुंबईत ओमिक्रॉन बाधित रुग्ण सापडल्याने चिंता वाढली होती. दरम्यान, राज्यात आज केवळ ६९९ कोरोनाचे नवे रुग्ण आढळून आले. राज्याच्या आरोग्य विभागानं ही माहिती दिली.
राज्यात कोविड बाधित रुग्णांच्या मृत्यूंची संख्या सोमवारच्या तुलनेत वाढली. मृतांचा आकडा ५ वरून १९ पर्यंत वाढला त्यामुळं कोरोना मृतांचा एकूण आकडा १,४१,१९४ इतका झाला आहे. औरंगाबाद, अकोला, नागपूर मंडळात एकाही मृत्यूची नोंद झाली नाही. तर ठाणे ४, नाशिक ४, पुणे ६, कोल्हापूर २ तर लातूरमध्ये ३ मृत्यू नोंदवले गेले. राज्यात आज ६९९ नवीन कोरोनाबाधित रुग्ण सापडले. त्यामुळं करोनाबाधित रुग्णांची एकूण संख्या ६६,३९,९९५ झाली आहे.
राज्यातील मृत्यूदर २.१२ टक्क्यांवर पोहोचला आहे. सक्रिय रुग्णांची संख्या ही कमी होऊन ६,४४५ इतकी आहे. आज १,०८७ रुग्ण कोरोनामुक्त झाले. कोरोनातून बरे होणाऱ्या रुग्णांची संख्या ६४,८८,६८० इतकी आहे. राज्यातील रुग्ण बरे होण्याचे प्रमाण वाढून ९७.७२ टक्के एवढं झालं आहे. सध्या राज्यात ७७,६४२ व्यक्ती होमक्वारंटाइनमध्ये आहेत, तर ८९६ व्यक्ती संस्थात्मक क्वारंटाइनमध्ये आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.