नागपूर - भाजपने गुजरातमध्ये 150 जागा जिंकू असा दावा केला होता. या आकड्याच काय झालं? असा प्रश्न राष्ट्रवादी काँग्रेसचे नेते अजित पवार यांनी उपस्थित केला.

गुजरातमध्ये भाजपची सत्ता स्थापन झाल्याचे निश्चित झाले असून, भाजपने 100 पेक्षा अधिक जागा जिंकल्या आहेत. भाजपने निवडणुकीनंतर 150 जागा जिंकण्याचा दावा केला होता. मात्र, भाजप शंभरी पार जाताना दिसत आहे. याच मुद्द्यावरून अजित पवार यांनी भाजपला लक्ष्य केले आहे.

अजित पवार म्हणाले, की भाजपने जनतेला गृहीत धरू नका, जनतेच्या मनात काय आहे हे आपण म्हणू ती पूर्व दिशा हे जनता एकूण घेत नाही, या निकालाने विरोधी पक्षांना बळ मिळाले आहे.