पुणे : तुफान पावसामुळे पुणे शहराची दैना उडालेली असताना आणि अकरा जणांचा जीव गेलेला असताना पालकमंत्री चंद्रकांत पाटील मात्र दिल्लीमध्ये शिवसेनेच्या बरोबरच्या युतीच्या जागा वाटपात मग्न होते. तर, खासदार गिरीश बापट पुण्यभूषण पुरस्काराच्या कार्यक्रमात बिझी होते.

पुण्यात अतिवृष्टी; शाळा, महाविद्यालयांना सुटी 

नागरिकांचा एकीकडे संताप व्यक्त होऊन ते रस्त्यावर येत असताना प्रशासन हलविण्यासाठी लोकप्रतिनिधी मात्र, विधानसभेच्या तयारीत मग्न असल्याचे गुरुवारी सकाळचे चित्र होते. 

पुणेकरांनो सावधान! आजपासून पाच दिवस पावसाची शक्‍यता 

पुण्यात बुधवारी रात्री दहा ते गुरुवारी पहाटे दोन वाजेपर्यंत तुफान पाऊस झाला. त्यात 11 जणांचा मृत्यू झाला. शहरातील बिबवेवाडी, अरण्येश्‍वर, तावरे कॉलनी, सिंहगड रस्ता, धायरी, वडगाव शेरी, शिवाजीनगर गावठाण, एरंडवणा, दांडेकर पूल आदी भागात पाणी साचून ते हजारो नागरिकांच्या घरात शिरले. शहरात एकिकडे पावसाचा हैदोस सुरू असताना पालकमंत्री पाटील मात्र, शिवसेनेबरोबरच्या युतीसाठी चर्चा करण्यासाठी दिल्ली बसून आहेत. तर, खासदार बापट मात्र, बालगंधर्व रंगमंदिरात पुण्यभूषण कार्यक्रमात मग्न होते. दुसरीकडे रहिवासी संतप्त झाले आहेत. रस्त्यांवर, वस्त्यांमध्ये आलेल्या राडारोडा, चिखल तातडीने दूर करण्यासाठी त्यांना प्रशासनाची मदत हवी आहे. 

पुणेकरांना तात्काळ मदत देवू : मुख्यमंत्री
पुणेकरांना सर्वोतोपरी मदत करण्याचे आश्वासन मुख्यमंत्री देवेंद्र फडणवीस यांनी दिले आहे. काही जण वाहून गेली आहेत. एनडीआरएफच्या जवानांनी काही जणांना सुखरूप ठिकाणी पोचविण्यात मदत केली.