राज्यात हवामान विभागाने वर्तवलेल्या अंदाजानुसार शनिवारी राज्यातील बहुतेक जिल्ह्यांमध्ये मुसळधार पावसाने हजेरी लावली आहे. आजही राज्याच्या विविध भागांमध्ये मुसळधार पावसाचा अंदाज हवामान विभागाने वर्तवला आहे. राज्यातील 6 जिल्ह्यांना आज पावसाचा ऑरेंज अलर्ट देण्यात आलेला आहे.

राज्यातील ठाणे, पालघर, पुणे, सातारा, रत्नागिरी, रायगड या जिल्ह्यांमध्ये जोरदार पावसाची शक्यता हवामान विभागाने वर्तवली आहे. या सर्व जिल्ह्यांना आज पावसाचा ऑरेंज अलर्ट देण्यात आला आहे. त्याचबरोबर राज्याच्या इतर काही भागांमध्ये यलो अलर्टही देण्यात आला आहे.

येत्या 2-3 दिवसांमध्ये उत्तर महाराष्ट्र आणि कोकणात पावसाचा जोर वाढण्याची शक्यता आहे. तर मुंबई, ठाण्यातही आज पावसाची शक्यता आहे. तर राज्याती काही भागांमध्ये पावसाचा जोर पुन्हा कमी होण्याची शक्यता हवामान विभागाने वर्तवली आहे.

विदर्भात गेल्या दोन दिवसात पावसाने जोरदार हजेरी लावली आहे. त्यामुळे शेतकरी सुखावला आहे. मात्र, राज्याच्या काही भागात अद्याप पावसाची प्रतीक्षा आहे. दुबार पेरणीचे संकट शेतकऱ्यांवर आले आहे.