कोविडच्या 2 वर्षाच्या निर्बंधानंतर यंदा पहिल्यांदाच गणेशोत्सव मोठ्या जल्लोषात पार पडला. मागील 10 दिवस गणेशभक्तांचा उत्साह ओसंडून वाहत होता. कोविडकाळानंतरचा पहिलाच गणेशोत्सव असल्यामुळे बप्पाला निरोप देण्यासाठी मोठी गर्दी उसळली आहे, यामुळे पोलिस प्रशासनावर मोठा तान आला आहे, यातच आता शास्त्री रोडवर शनिवारी गणेशविसर्जन मिरवणूकी दरम्यान पोलिस आणि उज्जव मित्र मंडळांच्या कार्यकर्यांमध्ये झटापट झाली आहे.

विसर्जनाला होत असणाऱ्या दिरंगाईमुळे पोलिसांनी डिजे बंद करण्याच्या हेतूने डिजेच्या वायरी काढल्या. त्यामुळे कार्यकर्ते आक्रमक झाले, त्यानंतर पोलिस आणि कार्यकरत्यांमध्ये जवळपास पावून तास वाद चालू होता. गणेस मंडळाचे म्हणने आहे की पोलिसांनी जबरदस्तीने डिजेवर काठीने मारून डिजे फोडला आहे. त्यानंत वाद वाढू लागल्याने वरिष्ठ पोलिस अधिकाऱ्यांनी हस्तक्षेप करून वाद मिटवला आहे.

पुण्यात गणपती विसर्जनाच्या दुसऱ्या दिवशीही गणेश भक्तांचा उत्साह पाहायला मिळत आहे. मानाच्या पाचही गणपतीचे काल रात्रीपर्यंत विसर्जन झाले असून आज दगडूशेठ गणपतीचे विसर्जन झाले. त्यानंतर आता इतर मंडळांची विसर्जन मिरवणूक चालू असून काही प्रमाणात वाहतूक सुरू झाली आहे. आज दुपारनंतर विसर्जन सोहळा पार पडण्याची शक्यता आहे.