Pune crime: पुण्यात सध्या कोयता गॅंगचा सुळसुळाट सुरु आहे. विविध गुन्हेगारी कृत्ये करण्यासाठी हे कोयताधारी गुंड शहरात दहशत माजवताना अनेकदा दिसून आले आहेत.

नुकतीच पुण्यात एक अशी घटना घडलीये, जी ऐकल्यावर तुम्हीही डोक्याला थाप माराल. एकाने चक्क फुकट चॉकलेट मिळवण्यासाठी दुकानदाराला कोयत्याचा धाक दाखवला. चॉकलेटसाठी कोयत्याचा धाक दाखवणाऱ्याला पोलिसांनी ताब्यात घेतलं असून त्याची धिंड देखील काढली.

पुण्याच्या मुंढवा परिसरात १८ ते २० वयोगटातील काही मुलांनी एका मेडीकलमध्ये घुसून कॅडबरी मागण्याच्या बहाण्याने कोयत्याने हल्ला केला. ही सर्व घटना मेडिकलमधील सीसीटीव्हीमध्ये कैद झाली. पोलिसांनी तातडीने त्यांचा शोध घेतला. शोध घेतल्यानंतर या चॉकलेटबहाद्दरांची भररस्त्यात धिंड काढली.(Latest Marathi News)

पुण्यात काही दिवसांपुर्वी एका महाविद्यालयीन तरुणीवर तिच्याचं मित्राकडून कोयत्याने हल्ला करण्यात आला होता. शेजारी उभ्या असणाऱ्या तरुणांनी त्या मुलाचा वार झेलत, मुलीचा जीव वाचवला. पोलिसांनी कोयता गॅंगविरुद्ध कोंबिंग ऑपरेशन राबवलं होतं.

कोयता घेऊन फिरणाऱ्या गुंडांना पकडून त्यांची पोलिसांनी शहरातून अनेकदा धिंडही काढली आहे, पण या घटना थांबायचं नाव काही घेत नाहीत.(Latest Marathi News)

पुणे पोलिस दलातील डीसीपी संदीप गील यांनी चक्क गुन्हेगारांना तंबीच दिलीये की तुम्ही हातात कोयता घ्या, मग तुम्हाला दाखवतोचं. पुणे पोलिसांना या घटना आटोक्यात आणण्यासाठी कडक पाऊलं उचलावी लागतील.