महाराष्ट्रात तसेच देशभरात रस्ते अपघातांमध्ये दरवर्षी हजारो लोक जीव गमवतात. यादरम्यान महाराष्ट्रात रस्त्यांवर बेजबाबदारपणे वाहन चालवणे महागात पडणार आहे. सरकार रॅश ड्रायव्हिग हा अजामीनपात्र गुन्हा ठरवण्याच्या विचारात आहे. यासंबंधी आज, १५ मे रोजी महत्वाची बैठक होणार आहे.

सार्वजनिक रस्त्यावर बेजबाबदारपणे वाहन चालवणे हा अजामीनपात्र गुन्हा ठरवण्यासाठी महाराष्ट्राचे मुख्यमंत्री एकनाथ शिंदे आज, १५ मे रोजी एक बैठक घेणार आहेत. महाराष्ट्र मुख्यमंत्री कार्यालयाने याबद्दल माहिती दिली असून एकनाथ शिंदे या बैठकीच्या अध्यक्षस्थानी असणार आहेत.

सार्वजनिक रस्त्यावर बेजबाबदारपणे वाहन चालवणाऱ्यांना यामुळे चाप बसेल अशी आशा व्यक्त केली जात आहे. दरम्यान सरकारकडून रस्ते अपघात रोखण्यासाठी वेगवेगळे उपक्रम राबवण्यात येतात.त्यासोबतच वाहन चालकांच्या जागृतीसाठी देखील मोहिमा राबवल्या जातत. कायदा कडक झाल्यानंतर रस्ते अपघात कमी होण्यास फायदा होऊ शकतो.