मुंबई : अजित पवारांच्या बंडानंतर राष्ट्रवादी काँग्रेसचे प्रदेशाध्यक्ष जयंत पाटील यांनी जितेंद्र आव्हाड यांची विरोधीपक्ष नेतेपदी आणि प्रतोतपदी तातडीनं नियुक्ती केली होती. पण आव्हाडांची विरोधीपक्ष नेते म्हणून नियुक्ती वैध की अवैध? याबाबत अजित पवारांनी स्पष्ट सांगितलं आहे.

पवार म्हणाले, मी अनेक वर्षे विधीमंडळ सदस्य म्हणून काम केलं आहे. विरोधीपक्ष नेतेपदी कोणाची नियुक्ती करायची याचा अधिकार कुठल्याही पक्षाला नसतो. तर ही नियुक्ती विधानसभा अध्यक्षांकडून केली जाते. तसेच विरोधीपक्षांमध्ये ज्यांची संख्या जास्त त्या पक्षाचा नेता विरोधीपक्ष नेतेपदी नियुक्त केला जातो.

"सुनील तटकरे यांनी अध्यक्ष झाले आणि काही निर्णय घेतले. विरोधी पक्ष नेता नेमण्याचं काम विधानसभा अध्यक्ष यांचं असत. जास्त सख्या असलेल्या पक्षाच्या नेत्याला विरोधी पक्ष नेता पद मिळतं. मात्र, आमदारांमध्ये संभ्रम निर्माण करण्याचा प्रयत्न केला जात आहे. बहुसंख्य आमदार आमच्या सोबत आहेत. महाराष्ट्राच्या भल्यासाठी आम्ही काम करत राहणार आहोत" असं यावेळी पवार म्हणाले. (Latest Marathi News)

नरेंद्र मोदींच्या नेतृत्वात देश प्रगती करतोय त्यांच्या पाठीशी उभ राहून राज्याच्या हितासाठी काम करणार आहोत. केंद्रात राज्यात वेगळी सरकारे असतील तर निधी कमी मिळतो. आम्ही राष्ट्रवादी पक्षाच्या हिताचं काम करतो आहोत. त्यांना नोटीस काढण्याचा अधिकार नाही. पक्ष आणि चिन्ह आमच्यासोबत आहे. आमच्या सोबतच्या आमदारांचं भवितव्य यांना घटना कायद्याची कोणतीही अडचण येणार नाही याची आम्ही काळजी घेऊ, असंही अजित पवार यावेळी म्हणाले. (Marathi Tajya Batmya)