मुंबईः कल्याण-नगर महामार्गावर शुक्रवारी भीषण अपघात झाला असून अपघातामध्ये तब्बल पाच जणांचा जागीच मृत्यू झाला तर आठ जण गंभीर जखमी झाले आहेत. अंत्यविधीहून परतत असताना भरधाव ट्रकने लोकांना चिरडले. गावकरी संतप्त झाले असून रस्त्यावर आंदोलन सुरु केलं आहे.

जुन्नर तालुक्यातील बेल्हे गुंळुंचवाडी येथे कल्याण-नगर महामार्गावर ही घटना घडलीय. गावातील एका मृत व्यक्तीचा अंत्यविधी अटोपून लोक परतत होते. तेवढ्यात रस्त्यावर अचानक एक भरधाव ट्रक आला. त्या ट्रकने लोकांना चिरडले. त्यामुळे पाच जणांचा जागीच मृत्यू झाला आहे.

ट्रक चालकाचे नियंत्रण सुटल्याने हा अपघात झाल्याचं सांगितलं जात आहे. अपघातातील जखमींना उपचारासाठी खाजगी रुग्णालयात दाखल करण्यात आले असून अपघातानंतर नागरिकांन कल्याण-नगर महामार्गावर रास्ता रोको आंदोलन सुरु केलं आहे.