राष्ट्रवादीचे नेते शरद पवार यांच्याबद्दल आक्षेपार्ह पोस्ट केल्याप्रकरणी अभिनेत्री केतकी चितळे (Ketaki Chitale) ला 14 दिवसांची न्यायालयीन कोठडी देण्यात सुनावण्यात आली, दरम्यान केतकीने जामीनासाठी अर्ज केला होता. त्यावर सुनावणी पुर्ण झाली असून कोर्टाने निकाल राखूण ठेवला आहे. त्यामुळे केतकीची आजची रात्र कोठडीत जाणार आहे.

शरद पवार यांच्यावरील आक्षेपार्ह पोस्टनंतर अभिनेत्री केतकी चितळेच्या अडचणीत वाढताना दिसत आहेत. या पोस्टनंतर ठाणे पोलिसांनी तत्काळ कारवाई करत केतकीला ताब्यात घेतलं होतं, यानंतर तिला १८ तारखेपर्यंत पोलीस कोठडी सुनावण्यात आली होती. त्यानंतर आज कोर्टात हजर केल्यानंतर केतकीला १४ दिवसांची न्यायालयीन कोठडी सुनावण्यात आली आहे.

उद्या सकाळी गोरोगाव पोलिस केतकी चितळेचा ताबा घेण्याची शक्यता आहे, दरम्यान शरद पवार यांच्याविरोधात सोशल मीडियावर आक्षेपार्ह शब्दात पोस्ट केल्याप्रकरणी पोलीस कोठडी मध्ये असणाऱ्या अभिनेत्री केतकी चितळे यांना आज ठाणे सत्र न्यायालयात सादर करण्यात आलं. याआधी केतकीने न्यायालयात पोस्ट डिलीट करणार नसल्याचं सांगितलं होतं. दरम्यान मागील पाच दिवसात केतकीवर राज्यभरात १४ गुन्हे दाखल झाले आहेत.