कोल्हापूर : विधानपरिषदेत बिनविरोध बाजी मारल्यानंतर पुन्हा एकदा गगनबावडा विकास सेवा संस्था गटातून (Gaganbawda Development Services Group) पालकमंत्री सतेज पाटील (Satej Patil) यांची बिनविरोध निवड झाली आहे. या गटात सतेज पाटील यांच्यासोबत डमी म्हणून दोन अर्ज भरले होते, त्यांचे अर्ज मागे घेण्याची औपचारिकता बाकी आहे.

जिल्हा बँकेच्या राजकारणात सध्या प्रचंड चुरस सुरु आहे. अनेक संचालकांनी शक्तिप्रदर्शन करण्यासाठी आपली ताकद पणाला लावली आहे. तसेच ठरावधारक आपल्या बाजुने वळविण्यासाठी चढाओढ सुरू आहे.

गगनबावडा संस्था गटात ६६ ठरावधारक असून, सतेज पाटील यांनी अर्ज दाखल करताना त्यांच्यासोबत ४६ ठरावधारक होते. त्यामुळे ही निवडणूक एकतर्फी होईल अशी शक्यता वर्तवण्य़ात येत होती. आज (शुक्रवारी) अर्ज भरण्याची शेवटची मुदत होती. दुपारी ३ वाजेपर्यंत या गटात पाटील यांच्यासह केवळ तीनच अर्ज दाखल झाल्याची झाले.