तुळजापूर (जि.उस्मानाबाद) : २८ वर्षांपूर्वी तुळजाभवानी मंदिरात लता मंगेशकर यांनी तुळजाभवानी मातेचे दर्शन घेऊन देवीसमोर कवन गायले याच्या स्मृती आज ही कायम आहेत. तुळजाभवानी मंदिरात १७ फेब्रुवारी १९९४ रोजी लता मंगेशकर यांनी तुळजाभवानी मातेचे दर्शन घेतले. लता मंगेशकर (Lata Mangeshkar) सोलापूर येथे एका कार्यक्रमासाठी आल्या होत्या. त्यावेळी सायंकाळी पाच वाजण्याच्या सुमारास लता मंगेशकर यांनी तुळजाभवानी मातेचे (Tuljabhavani Mata) दर्शन घेतले. यावेळी तत्कालीन राज्याचे सांस्कृतिक मंत्री विजयसिंह मोहिते पाटील, तसेच सोलापूरचे तत्कालीन महापौर मनोहर सपाटे, उस्मानाबादचे (Osmanabad) जिल्हाधिकारी अनिल पवार, तुळजाभवानी मातेचे भोपे पुजारी आप्पासाहेब पाटील, मोहनराव पाटील तसेच तुळजापूरातील (Tuljapur) गायक हरीनमा जवंजाळ आदी उपस्थित होते. (Lata Mangeshkar Sang Kawan Before Tuljabhavani Mata In Tuljapur Of Osmanabad)

यावेळी लता मंगेशकर यांनी तुळजाभवानी मातेच्या गाभाऱ्यात 'सर्व मंगल मांगल्ये शिवे सर्वार्थ साधिके शरण्ये त्रंबके गौरी नारायणी नमोस्तुते' हे कवन गायले. तुळजाभवानी मंदिरातील विविध स्थळाबाबत भोपे पुजारी आप्पासाहेब पाटील तसेच हरीनमा जवंजाळ यांनी लता मंगेशकर यांना माहिती दिली. शहरातील काही मोजके नागरिक आणि पत्रकार यावेळी उपस्थित होते.