तब्बल दोन वर्षानंतर नागपूर येथे हिवाळी अधिवेशन होत आहे. सुरुवातीला अधिवेशन आरोप-प्रत्यारोप आणि चौकशांनी गाजलं. त्यानंतर सत्ताधारी पक्षातील नेत्यांवर झालेल्या भ्रष्टाचाराच्या आरोपांवरून विरोधकांनी सभागृह दणाणून सोडलं.
मात्र आज मुख्यमंत्री एकनाथ शिंदे यांनी विरोधकांना प्रत्युत्तर देताना, उद्धव ठाकरे यांच्यावर कडाडून टीका केली. मात्रा एकनाथ शिंदे यांचे भाषण संपल्यानंतर विरोधी पक्ष नेते अजित पवारांनी आपल्या खास शैलीत मुख्यमंत्री आणि मंत्र्यांना सुनावले.
अजित पवार म्हणाले की, "एकनाथ शिंदे तुम्ही मुख्यमंत्री पदावर आहात नकोत्या मुद्द्यावर तुम्ही बोलू नका, राज्याच्या हिताच्या गोष्टींवर बोला बाकीच्या गोष्टींवर बोलायला तुमचे प्रवक्ते दिपक केसरकर आहेत ना? तुमच्यात आणि शिवसेनेत काय झालं हे राज्याला काय करायचं आहे.
अजित पवारांचं भाषण चालू असताना शिंदे गटाचे प्रतोद भरत गोगावले मधे मधे व्यत्यय आणत होते. त्यावर अजित पवार चिडले आणि म्हणाले तुम्ही मला डिस्टर्ब करू नका नाही तर तुम्हाला माहिती नाही का माझे आणि एकनाथ शिंदे यांचे संबंध किती जवळचे आहेत.
माझ्या भाषणात जेवढ्या अडचणी निर्माण कराल, तेवढं तुमचं मंत्रिपद दूर जाईल असा सज्जड दमच गोगावले यांना भरला. त्यानंतर सभागृहात चांगलाच मात्र हशा पिकाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.