मुंबई - मुख्यमंत्री उद्धव ठाकरे यांच्या मंत्रिमंडळात प्रादेशिक आणि सामाजिक समतोल साधणारे प्रतिनिधित्व देताना महाविकास आघाडीच्या नेत्यांपुढे आव्हान निर्माण झाले आहे.
शिवसेना १५, राष्ट्रवादी १५ आणि काँग्रेस १२ असे खातेवाटपाचे सूत्र ठरल्याचे सांगितले जाते. मुंबई, कोकणातून शिवसेनेचे एकनाथ शिंदे, सुभाष देसाई, रवींद्र वायकर, दीपक केसरकर, उदय सामंत, काँग्रेसच्या वर्षा गायकवाड, अमीन पटेल, राष्ट्रवादीकडून जितेंद्र आव्हाड, नवाब मलिक यांची नावे मंत्रिपदासाठी चर्चेत असून, यापैकी शिंदे आणि देसाई यांचा शपथविधी झाला आहे. वर्षा गायकवाड, पटेल, मलिक, आव्हाड हे मागास समाजाचे प्रतिनिधित्व करतात.
मराठवाड्यातून संजय शिरसाठ, राहुल पाटील शिवसेनेकडून; काँग्रेसकडून अशोक चव्हाण, अमित देशमुख; राष्ट्रवादीकडून राजेश टोपे, प्रकाश सोळंखे, धनंजय मुंडे आदींची नावे चर्चेत आहेत. या ठिकाणी शिरसाठ हे एससी राखीव मतदारसंघाचे प्रतिनिधित्व करतात. मुंडे हे वंजारी समाजाचे नेते आहेत. खानदेशातून शिवसेनेचे दादा भुसे, गुलाबराव पाटील; तर काँग्रेसकडून के. सी. पाडवी, कुणाल पाटील, राष्ट्रवादीकडून छगन भुजबळ यांची नावे चर्चेत आहेत. यापैकी भुजबळ यांनी शपथ घेतली आहे. ते ओबीसी समाजाचे नेते आहेत.
विदर्भातून शिवसेनेचे आशिष जयस्वाल, बच्चू कडू, संजय राठोड; काँग्रेसकडून विजय वडेट्टीवार, यशोमती ठाकूर, सुनील केदार, रणजित कांबळे, नितीन राऊत; तर राष्ट्रवादीकडून अनिल देशमुख, राजेंद्र शिंगणे यांची नावे चर्चेत आहेत. यापैकी नितीन राऊत यांचा शपथविधी झाला आहे. ते मागासवर्गीय समाजाचे प्रतिनिधित्व करतात. जयस्वाल हे मारवाडी आहेत, तर वडेट्टीवार हे ओबीसी समाजातून पुढे आले
आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.