राज्याच अर्थसंकल्पीय अधिवेशन सुरु आहे. अधिवेशनाचा अखेरचा आठवडा सुरु आहे. अशातच विधानसभेबाहेर एका आमदाराची धावपळ सुरु असल्याचे पाहायला मिळालं. (Maharashtra Budget Session ncp mla sunil bhusara ran vidhan bhavan)

विधानसभेचे कामकाज आज सव्वा नऊ वाजता सुरू झाले. दरम्यान, विधानसभेचे तालीका अध्यक्ष आणि आमदार सुनील भुसारा पळत आल्याचे दिसले. विधानसभेच सभागृह सुरु होण्यापूर्वी विधीमंडळ परिसरात एक बेल वाजते. त्यापूर्वी तालीका अध्यक्ष सभागृहात पोहचण अपेक्षीत असतं. मात्र, भुसारा यांनी उशीर आले. त्यामुळे त्यांची चांगलीच पळा पळ झाल्याचे दिसले.

झोप नीट लागायला हवी? मग हे वाचाच

मागच्या आठवड्यात अर्थसंकल्प सादर झाल्यानंतर अधिवेशनाचा दुसरा दिवस भुसारा यांची चांगलेच गाजवले होते. अर्थसंकल्प सादर केल्यानंतर दुसऱ्या दिवशी आमदार सुनील भुसारा यांनी डोक्यावर भोपळा घेत उपस्थितांचे लक्ष वेधले होते.

राज्याचे अर्थमंत्री देवेंद्र फडणवीस २०२३-२४ साठीचा अर्थसंकल्प सादर केला. यामध्ये अनेक घोषणा करण्यात आल्या आहेत. मात्र यात आदिवासी, दलित, वंचित, कष्टकरी यांच्यासाठी काहाही नाही.

त्यामुळे देवेंद्र फडणवीस यांनी सर्वसामान्यांच्या हाती भोपळा दिला आहे, अशी प्रतिक्रिया देत डोक्यावर भोपळा घेऊन आमदार सुनील भुसारा यांनी प्रतिकात्मक आंदोलन करत लक्ष वेधले होते.

आदिवासी समाजासाठी खावटी योजना आहे. मात्र त्यासाठी निधी देण्यात आला नाही. याबरोबरच अनेक घोषणा केल्या आहेत. मात्र या घोषणांचा फायदा आदिवासी समाजाला होत नाही. राजा उदार झाला आणि हाती भोपळा दिला आहे. असे भुसारा यांनी म्हटले होते.