मुंबई -  दुबईतील प्रसिद्ध ‘एमबीएम’ समूहाने मुंबईतील धारावी झोपडपट्टी पुनर्वसन प्रकल्पासह राज्यातील विविध नागरी पायाभूत सुविधांच्या कामांमध्ये महाराष्ट्राला सहकार्य करण्यास सहमती दाखवली आहे.

‘डीपी वर्ल्ड समूहा’ने ‘मल्टिमॉडल लॉजिस्टिक पार्क’च्या उभारणीत आणि ‘थुम्बे समूहा’ने आरोग्यक्षेत्रातील उपक्रमांमध्ये सहयोग देण्याची तयारी दाखवली आहे. मुख्यमंत्री देवेंद्र फडणवीस यांची शनिवारी दुबईत या तिन्ही समूहांशी यासंदर्भात सकारात्मक चर्चा झाली.ू मुख्यमंत्री फडणवीस यांच्या नेतृत्वाखालील राज्याचे शिष्टमंडळ शनिवारी कॅनडा आणि अमेरिकेच्या दौऱ्यावर  रवाना झाले. या दौऱ्यात अनेक संस्था, कंपन्यांशी ते संवाद साधणार असून, त्यातून राज्यातील कृषी विकास, पायाभूत सुविधा उभारणी आणि राज्याच्या विकासासाठी उपयुक्त ठरणाऱ्या माहिती-तंत्रज्ञानाधारित उपक्रमांना गती देणार आहेत.  या दौऱ्याच्या पहिल्या टप्प्यात काल दुबई येथे नेतृत्वाखाली या शिष्टमंडळाचे दुबईत आगमन झाले. भारतीय राजदूत नवदीप सुरी यांनी मुख्यमंत्र्यांचे स्वागत केले. त्यानंतर मुख्यमंत्र्यांची ‘डीपी वर्ल्ड’चे समूह अध्यक्ष आणि मुख्य कार्यकारी अधिकारी सुलतान अहमद बिन सुलायेम यांच्याशी चर्चा झाली. कॉर्पोरेट व्यवहार उपाध्यक्ष अनिल मोहता आणि महाराष्ट्र सरकारचे वरिष्ठ अधिकारी या वेळी उपस्थित होते.