मुंबई : राज्यात आज कोरोनाचे 2401 नवीन रुग्ण (corona new patients) सापडले असून करोनाबाधित रुग्णांची एकूण संख्या 65,64,915 झाली आहे. कालच्या तुलनेत आज बाधित रुग्ण वाढले आहेत. तर 2840 रुग्ण बरे होऊन घरी गेले. कोरोनातून बरे होणाऱ्या रुग्णांची (corona free patients) संख्या 63,88,899 इतकी आहे. राज्यातील रुग्ण बरे होण्याचे प्रमाण वाढून 97.32 % एवढे झाले आहे.

आज राज्यात 39 रुग्णांचा मृत्यू झाला.  मृतांचा एकूण आकडा 1,39,272 इतका झाला आहे. राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या 33,159 इतकी आहे. नागपूर,अकोला,औरंगाबाद मंडळात एकाही मृत्यूची नोंद झाली नाही. तर ठाणे 7,नाशिक 10,पुणे 13,कोल्हापूर 7,लातूर 2 मृत्यू नोंदवले गेले. सध्या राज्यात 2,40,052 व्यक्ती होमक्वारंटाईनमध्ये आहेत तर 1,338 व्यक्ती संस्थात्मक क्वारंटाईनमध्ये आहेत.