मुंबई - कोरोनाबाधितांची संख्या देशात ४.१७ टक्के आहे. मात्र, राज्यात हा आकडा तिप्पट अर्थात १२.४३ टक्के असून, मुंबईत तो त्याहून जास्त १३.१७ टक्के असल्याची आकडेवारी विधानसभेतील विरोधी पक्षनेते देवेंद्र फडणवीस यांनी शुक्रवारी जाहीर केली. चाचणीचा दर वाढवायला हवा, असेही त्यांनी म्हटले आहे.
पुण्याच्या बातम्या वाचण्यासाठी येथे क्लिक करा
ते म्हणाले की, मुंबईत दररोज १० हजार चाचण्यांची क्षमता असताना केवळ चार ते साडेचार हजार चाचण्या केल्या जात आहेत. त्या पूर्वीच्या तुलनेत कमी झाल्या आहेत. एकूण चाचण्यांच्या संख्येत पॉझिटिव्ह येण्याची भारताची टक्केवारी ही ४.१७ टक्के इतकी आहे; तर महाराष्ट्राची १२.४३ टक्के आहे. यातून चाचण्यांमध्ये पॉझिटिव्ह रुग्णांचे प्रमाण हे देशाच्या तुलनेत राज्यात तीनपट अधिक असल्याचे दिसते. असेही फडणवीस यावेळी म्हणाले.
विमानांना परवानगी द्यावी
अनेक देशांमध्ये महाराष्ट्रीय नागरिक अडकून पडले असताना विमान उतरू देण्यास राज्य सरकार परवानगी देत नसल्याने त्यांचे मायदेशी परतणे कठीण आहे. राज्य सरकारने विमानांना परवानगी द्यावी, अशी मागणीही फडणवीस यांनी मुख्यमंत्री उद्धव ठाकरे यांना पत्राद्वारे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.