महाराष्ट्र विधानमंडळाचं पावसाळी अधिवेशन उद्या म्हणजे १७ ऑगस्टपासून सुरू होत आहे. त्या पार्श्वभूमीवर आता सत्ताधारी आणि विरोधकांमध्ये तयारीला सुरुवात झाली आहे. विरोधी पक्षांचे नेते आज पत्रकार परिषद घेणार असून राज्य मंत्रिमंडळाची बैठकही होणार आहे. (Maharashtra Assembly Monsoon Session)

महाराष्ट्र विधानमंडळाच्या पावसाळी अधिवेशनाच्या पार्श्वभूमीवर विधानसभेचे विरोधी पक्षनेते अजित पवार, विधान परिषदेचे विरोधी पक्षनेते अंबादास दानवे तसंच विरोधी पक्षाच्या प्रमुख नेत्यांची पत्रकार परिषद दुपारी ३.३० वाजता होणार आहे. तर संध्याकाळी ५ वाजता सह्याद्री अतिथीगृहावर चहापानाच्या कार्यक्रमाचं आयोजन करण्यात आलं आहे. त्यानंतर राज्य मंत्रिमंडळाची बैठक होणार आहे.

खातेवाटप झाल्यानंतरची ही पहिलीच बैठक असणार आहे. या बैठकीनंतर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची पत्रकार परिषद होणार आहे.