Maharashtra Monsoon Session: महाराष्ट्र पावसाळी अधिवेशनाचा आज शेवटचा दिवस होता. मुख्यमंत्री एकनाथ शिंदे यांनी अंतिम आठवडा प्रस्ताव मांडला. अधिवेशन संपल्यानंतर त्यांनी माध्यमांशी संवाद साधला.

यावेळी एकनाथ शिंदे यांनी विरोधकांवर टीका केली. अंतिम आठवडा प्रस्तवावेळी विरोधी पक्ष गोंधळलेला होता, त्यांनी आत्मविश्वास गमावलेला होता, असे शिंदे म्हणाले.

एकनाथ शिंदे म्हणाले, अधिवेशनाचा आज समारोप झाला. हे अधिवेशन यशस्वी झाले. यावेळी एकही दिवस सभागृह तहकूब झालं नाही. १३ दिवस हे अधिवेशन चालले. अधिवेशवात २७ विधेयकं मांडली यापैकी १७ विधेयक मंजूर झाली. ४१ हजार २४३ कोटी २१ लाख रुपयांच्या पुरवण्या मागण्या मांडण्यात आल्या.

विरोधी पक्षाच्या अंतिम आठवडा प्रस्तावात अनेक मागण्या मान्य केल्या. अंतिम आठवडा राज्यातीन जनतेच्या दृष्टीने महत्वाचा असतो, असे एकनाथ शिंदे म्हणाले. (latest marathi news)

एकनाथ शिंदे म्हणाले, यावेळी मंत्री नाही म्हणून सभागृह बंद पडले नाही. तसेत सर्व आमदारांनी त्यांच्या मतदारसंघातील महत्वाचे विषय मांडले. विविध आयुधाच्या माध्यमातून सकारात्मक चर्चा झाली. सर्व मंत्री अधिनेशन काळात उपस्थित होते.