याआधीचं सरकार अकेले हम अकेले तुम… उद्धव साहेब एकिकडे, अजितदादा एकिकडे, अशा शब्दात संजय शिरसाट यांनी सुप्रिया सुळेंना टोला लगावला आहे.(Maharashtra Politics crisis Supriya Sule statement on sanjay shirsat reaction)

नवं सरकार स्थापन होऊन महिना पुर्ण झाला पण अद्याप मंत्रीमंडळ विस्तार झाला नाही. यावरुन राजकीय वर्तुळात आरोप प्रत्यारोपांच्या फैरी झडताना दिसत आहेत. दरम्यान, राष्ट्रवादीच्या खासदार सुप्रिया सुळेंनी शिंदे-फडणवीस यांच्यावर बोचरी टीका केली आहे.

सध्याचं सरकार हे हम बने तुम बने एक दुजे के लिए… असं दोघांसाठी दोघांचच बनलेलं आहे, असं सुप्रिया सुळे म्हणाल्या. मात्र एकनाथ शिंदे गटातील आमदार संजय शिरसाट यांनी सुप्रिया सुळे यांना त्यांच्याच खास शैलीत प्रत्युत्तर दिलं आहे.

सध्याचं सरकार एक दुजे के लिए असेल तर महाविकास आघाडी सरकारमध्ये अकेले हम, अकेले तुम अशी स्थिती होती. उद्धव ठाकरे आणि अजित पवार एकेकट्याने कारभार पाहात होते, मात्र सध्याचं सरकार संगनमतानं काम करतंय, त्यामुळे तुम्ही काळजी करू नका, असं शिरसाट म्हणाले.

काय म्हणाल्या होत्या सुप्रिया सुळे?

भाजपच्याच खासदाराने सांगितलं. एक दुजे के लिये सरकार आहे. दोनच लोकांचं सरकार आहे. त्यांना माझ्या शुभेच्छा आहे. आज महाराष्ट्रात ओला दुष्काळ आहे. माझ्याच लोकसभा मतदार संघात काही कामांसाठी पालकमंत्र्यांकडे जातो. प्रशासनाला निर्णय घ्यायला पर्याय नाही.