मुंबई : राज्यात कोविड रुग्णसंख्या तसेच रुग्ण दगावण्याचे प्रमाण नियंत्रणात असून आज 686 नवे रुग्ण सापडले. मृतांची संख्या ही कमी झाली असुन आज 19 रुग्ण दगावले. रविवारी 49 रुग्णांच्या मृत्यूंची नोंद झाली होती. आज 912 बाधित रुग्ण बरे झाले. कोरोनातून बरे होणाऱ्या रुग्णांची संख्या 64,68,791 इतकी आहे. राज्यातील रुग्ण बरे होण्याचे प्रमाण वाढून 97.64 % एवढे झाले आहे.

आज मृतांचा आकडा ही कमी झाला असून आज 19 रुग्णांच्या मृत्यूंची नोंद झाल्याने मृतांचा एकूण आकडा 1,40,602 इतका झाला आहे. राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या ही कमी होऊन 11,943 इतकी आहे.आज 686 रुग्णांसह करोना बाधित रुग्णांची एकूण संख्या 66,24,986 झाली आहे.

औरंगाबाद, अकोला, नागपूर मंडळात एकाही मृत्यूची नोंद झाली नाही. तर ठाणे 15,नाशिक 1,पुणे 1, कोल्हापूर 1, लातूर 1, मृत्यू नोंदवले गेले. सध्या राज्यात 99,859 व्यक्ती होमक्वारंटाईनमध्ये आहेत तर 1016 व्यक्ती संस्थात्मक क्वारंटाईनमध्ये आहेत.