व्यापारी मनसुख हिरेन मृत्यूप्रकरणाचा तपासही आता राष्ट्रीय तपास एजन्सी (NIA)कडं वर्ग करण्यात आला आहे. यापूर्वी या प्रकरणाचा तपास महाराष्ट्र दहशतवादी विरोधी पथकाकडून (ATS) सुरु होता. केंद्रीय गृहमंत्र्यालयाने (MHA) या तपासाच्या हस्तांतरणाचे आदेश काढले आहेत. एटीएसकडून हा तपास काढून घेण्यात आल्याने ही राज्य पथकावर ओढवलेली नामुष्की मानलं जात आहे.
एटीएसने अनेक दिवसांपासून हिरेन प्रकरणाचा तपास केला. मात्र, त्यांना यात गती दाखवता आली नाही. यात काय पुरावे आहेत हे देखील एटीएसनं वेळोवेळी समोर आणलं नसल्याचं बोललं जात आहे. एटीएसनं सुमारे १०० लोकांकडे या प्रकरणी चौकशी केली. दरम्यान, या प्रकरणातील प्रमुख संशयीत आरोपी एपीआय सचिन वाझे यांना कोर्टानं जामीन मंजूर केला होता त्यावेळी एटीएसला त्यांना ताब्यात घेऊन त्यांची चौकशी करता येणं शक्य होतं. मात्र, एटीएसकडून ते देखील केलं गेलं नाही. त्यामुळेच या सर्व बाबींच्या पार्श्वभूमीवर मनसुख हरेन मृत्यू प्रकरणाचा तपास एनआयएकडं वर्ग करण्यात आला आहे.
RSS च्या सरकार्यवाहपदी १२ वर्षानंतर नवीन चेहरा; भय्याजी जोशींच्या जागी दत्तात्रय होसबळे
दरम्यान, यापूर्वी या प्रकरणाची आणखी एक कडी असलेलं स्फोटकांसह आढळलेली स्कॉर्पियो कार संदर्भातला तपासही NIA कडे आहे. ही स्फोटकांनी भरलेली कार देशातील बडे उद्योगपती मुकेश अंबानींच्या घराबाहेर आढळल्याने खळबळ उडाली होती. नुकतेच एनआयएनं या प्रकरणातील प्रमुख संशयीत आरोपी एपीआय सचिन वाझे यांना घेऊन अंबानींच्या घराबाहेर या घटनेचा पुनर्देखावा तयार करत काही बाबींची पडताळणी केली. सचिन वाझे सध्या एनआयएच्या कोठडीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.