नवी दिल्ली : एकनाथ शिंदेंच्या शिवसेनेचे खासदार हेमंत पाटील आज मराठा आरक्षणासाठी लोकसभा अध्यक्ष ओम बिर्ला भेट घेऊन राजीनामा देण्याची शक्यता वर्तवली जात होती. प्रत्यक्ष बिर्ला यांची भेट घेऊन ते राजीनामा देणार होते. पण ही भेट होऊ शकली नाही तरी त्यांनी अध्यक्षांच्या कार्यालयाकडं दुपारी आपला राजीनामा सोपवला. (May MP Hemant Patil resign for Maratha reservation Will meet the Lok Sabha Speaker)

आरक्षणाचा प्रश्न चिघळला

राज्यात मराठा आरक्षणाचा प्रश्न चिघळला आहे. मनोज जरांगे यासाठी उपोषण करत आहेत, उपोषणाचा त्यांचा पाचवा दिवस आहे. त्यांची प्रकृती खालावत चालली आहे. पण अद्याप आरक्षणाबाबत तोडगा निघू शकलेला नाही. यापार्श्वभूमीवर काल खासदार हेमंत पाटील यांनी मराठा समाजातील आंदोलकांसमोर राजीनामा दिला होता. (Latest Marathi News)

राजीनामा मंजूर होणार का?

यापार्श्वभूमीवर आज लोकसभा अध्यक्षांची भेट घेऊन हेमंत पाटील राज्यातील आरक्षणाचा प्रश्न किती गंभीर आहे हे त्यांच्या निदर्शनास आणून देणार होते. तसेच आपला राजीनामा सादर करतील असं सांगितलं जात होतं. त्यांची भेट होऊ शकली नाही पण त्यांनी आपला राजीनामा अध्यक्षांच्या कार्यालयात सुपूर्द केला. यानंतर त्यांचा राजीनामा अध्यक्ष मंजूर करतात का? हे पाहावं लागणार आहे.