कऱ्हाड (सातारा) : सरकारी सुविधांबरोबर समाजत शिक्षण व आरोग्याबाबत सुविधा उभा राहण्याची गरज आहे. त्यासाठी शैक्षणिक, सामाजिक व सहकारी संस्थांनी पुढाकार घ्यावा, असे आवाहन केंद्रीय रस्ते विकास मंत्री नितीन गडकरी (Minister Nitin Gadkari) यांनी केले. येथील कृष्णा रूग्णालयात कोरोना काळात काम करणाऱ्या कोरोना योध्दांचा सत्कार झाला. त्यावेळी ते बोलत होते.

यावेळी प्रदेशाध्यक्ष चंद्रकांत पाटील, खासदार रणजीत नाईक-निंबाळकर, आमदार शिवेंद्रसिंहराजे भोसले, जयकुमार गोरे, प्रशांत परिचारक, डाॅ. सुरेश भोसले, अतुल भोसले, शेखर चरेगावकर, विक्रम पावसकर, आनंदराव पाटील, मकरंद देशपांडे यांची उपस्थिती होती. सत्ताकारणापेक्षा समाजकारण महत्वाचं आहे. राजकारणातून समाजकारण झालं पाहिजं. त्यातूनच समाज बदलवा पाहिजे आणि सामान्याला न्याय द्यावा, असे आवाहनही त्यांनी केले.