मनसे अध्यक्ष राज ठाकरे यांच्या औरंगाबाद इथं होणाऱ्या सभेची सध्या जोरदार चर्चा होत आहे. सभेआधीच पुणे दौरा, तिथून कार्यकर्त्यांना घेऊन मग औरंगाबादकडे रवाना, पोलिसांच्या सभेविषयीच्या अटीतटी या सगळ्यामुळे सध्या राज ठाकरे चर्चेत आहेत. अशातच आता मनसे नेते संदीप देशपांडे यांनी एक ट्विट केलंय.
संदीप देशपांडे यांनी एक ट्विट करत शिवसेनेला टोला लगावला आहे. त्यांनी पोलिसांची एक नोटीसही ट्विटरवरून शेअऱ केली आहे. आपल्या ट्विटमध्ये संदीप देशपांडे म्हणतात, "रामचंद्र कह गये सिया से, ऐसा कलयुग आएगा, 'शिव' की 'सेना' कहलाने वाला हनुमान चालिसा से डर जाएगा"
राज ठाकरे यांची उद्या म्हणजेच १ मे रोजी औरंगाबादमध्ये सभा होणार आहे. अनेक घडामोडींनंतर अखेर या सभेला परवानगी मिळाली आहे. मात्र त्यावरून राजकारण चांगलंच पेटलं आहे. राज यांच्या सभेच्या विरोधात मुंबई उच्च न्यायालयाच्या औरंगाबाद खंडपीठात याचिका दाखल करण्यात आली आहे.
तर सभेला परवानगी देताना पोलीस आयुक्तांनी सभेसाठी अनेक अटी घातल्या आहेत. त्यामुळे उपस्थितांच्या संख्येवरही मर्यादा आणण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.