पुणे : विदर्भासह कोकण व गोव्यात बऱ्याच ठिकाणी शुक्रवारपर्यंत (ता. ९) पाऊस पडण्याचा अंदाज आहे. तसेच मध्य महाराष्ट्र आणि मराठवाड्यातील तुरळक भागात विजांच्या कडकडाटासह पाऊस पडण्याची शक्यता हवामान विभागाने वर्तवली आहे. पोषक वातावरणाच्या अभावामुळे राज्यात मॉन्सूनची वाटचाल गेल्या काही दिवसांपासून मंदावली आहे. सोमवारी (ता. ५) मात्र कोकण व गोव्यात बऱ्याच ठिकाणी, तर मध्य महाराष्ट्र, मराठवाडा आणि विदर्भातील काही भागात पाऊस पडला.
दरम्यान, मॉन्सूनच्या पुढील वाटचालीसाठी बुधवारपासून (ता. ७)पोषक वातावरण तयार होणार आहे. बंगालच्या उपसागारावरुन बाष्पयुक्त वारे पुढील तीन दिवसांत देशाच्या वायव्य भागात प्रवेश करतील. परिणामी मॉन्सूनचा प्रवास हा दिल्ली, राजस्थान, पंजाब आणि पश्‍चिम उत्तर प्रदेशाच्या काही भागात १० जुलैपर्यंत होण्याची शक्यता हवामान विभागाने वर्तवली आहे.
पुण्यात पावसाची हजेरी
पुणे शहर परिसरात सोमवारी दुपारनंतर पावसाने हजेरी लावली. शहरात १०, तर लोहगाव येथे ०.५ मिलिमीटर पावसाची नोंद झाली. पुढील आठवडाभर शहरात आकाश ढगाळ राहणार असून हलक्या ते मध्यम स्वरूपाच्या पावसाची शक्यता हवामान खात्याने वर्तवली आहे.
महत्वाचे मुद्दे...
- बंगालच्या उपसागरात ११ जूलै दरम्यान कमी दाबाचे क्षेत्र निर्माण होण्याची शक्यता
- बंगालच्या उपसागरातून बाष्पयुक्त वारे ८ जुलैपासून ईशान्य भारतात प्रवेश करतील
- तसेच १० जूलै नंतर हे वारे उत्तर पश्‍चिम भारतात पंजाब आणि उत्तर हरियानात प्रवेश करतील
- यामुळे १० जूलै पासून उत्तर पश्‍चिम आणि मध्य भारतात पावसाचा जोर वाढणार
195 words
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.