Bachchu Kadu on Aaditya Thackeray : विधीमंडळाचे पावसाळी अधिवेशन सुरु आहे. सभागृहात आमदार बच्चू कडू बोलत असतांना ठाकरे गटाचे आमदार आपसात बोलत होते. त्यामुळे वैतागलेल्या बच्चू कडूंनी संताप व्यक्त केला.

यंदाचं पावसाळी अधिवेशन चांगलंच गाजलं. अनेक मुद्दे अधिवेशनामध्ये चर्चिले गेले. शिवाय सत्तापक्ष आणि विरोधी पक्षात आरोप-प्रत्यारोप बघायला मिळाले. आज विधानसभेमध्ये आमदार बच्चू कडू बोलत असतांना एक प्रसंग घडला. कडूंनी ठाकरे गटाच्या आमदारांना जोरदार टोला लगावला.

आदित्य ठाकरे यांच्यासह ठाकरे गटाचे आमदार वायकर, जाधव आणि इतर काहीजण आपसात बोलत होते. बच्चू कडू यांना सभागृहात निवेदन मांडतांना व्यत्यय येत होता. त्यामुळे ते संतापले आणि थेट तुम्ही जुगार अड्ड्यावर बसले आहात का? असं म्हणत विधानसभा अध्यक्षांकडे तक्रार नोंदवली.

काय म्हणाले बच्चू कडू?

अध्यक्ष महोदय, मी बोलत असतांना काही लोक गप्पा मारत आहेत. हे सभागृहात बसले आहेत की सभागृहाच्या बाहेर? जुगार अड्ड्यावर बसले आहेत की काय? आदित्य ठाकरे, जाधव साहेब, वायकर हे आपसात बोलत आहेत. अध्यक्ष महोदय, यांना सभागृहाचे नियम सांगात. तुमचा प्रभाव पडत नाही.