Sanjay Raut News : हिंदुत्ववादी पक्षाच्या कृतीत हिंदुत्व दिसत नाही, अशी टीका मनसे अध्यक्ष राज ठाकरे (Raj Thackeray) यांनी काल सभेत केली. शिवाय, त्यांनी मनसेच्या वाट्याला गेल्यानं मुख्यमंत्रिपद गेलं, असा टोला राज यांनी उद्धव ठाकरेंना (Uddhav Thackeray) लगावला.

मनसे (MNS) अध्यक्ष राज ठाकरेंच्या टीकेला खासदार संजय राऊत (Sanjay Raut) यांनी जोरदार प्रत्युत्तर दिलंय. कोणी कोणाच्या वाट्याला गेलं नाही. त्यांच्या वाट्याला जाण्याइतका त्यांचा पक्ष मोठा नाही, असं सणसणीत प्रत्युत्तर राऊत यांनी राज यांना दिलंय.

महाराष्ट्रातील शिवसेनेचं (Shiv Sena) सरकार का गेलं, हे जगाला माहीत आहे. त्यांना (राज ठाकरे) जर माहीत नसेल, तर अजून त्यांच्या पक्षाची वाढ व्यवस्थित होणं गरजेचं आहे. महाराष्ट्रातलं सरकार हे फक्त ईडी, सीबीआय या यंत्रणांचा गैरवापर करुन पाडण्यात आलं आणि जोडीली खोके होते, असंही राऊत म्हणाले.

ईडी काय आहे, हे मनसे प्रमुखांना सांगायला नको. त्यांनी त्याचा चांगलाच अनुभव घेतलाय. ईडीचा अनुभव आमच्यासारख्या लोकांनी घेऊन सुध्दा आमच्या तोफा आणि पक्षाचं काम सुरुच आहे. शिवसेनेनं कधीच हिंदुत्व सोडलं नाही, असंही त्यांनी स्पष्ट केलं.