महाराष्ट्र लोकसेवा आयोगाने MPSC राज्यसेवा २०२१ साठी गेल्या काही दिवसांपूर्वी जाहीरात काढली होती. या जाहीरातीनुसार २९० जागांसाठी परिक्षा घेण्यात येणार आहेत. त्यातच आता महाराष्ट्र लोकसेवा आयोगाकडून या जागांमध्ये वाढ करण्यात आल्याची माहिती मिळाली आहे. आयोगाने आपल्याला अधिकृत संकेत स्थळावरुन ही माहिती दिली असून त्यानुसार आता १०० जागांची वाढ झाली आहे.

राज्यसेवा पूर्व परीक्षा २०२१ ची जाहिरात ४ ऑक्टोबर रोजी आयोगाच्या संकेतस्थळावर प्रसिद्ध करण्यात आली आहे होती. पूर्व परीक्षा दिनांक २ जानेवारी, २०२२ रोजी व मुख्य परीक्षा दिनांक ७, ८ व ९ मे, २०२२ रोजी आयोजित करण्यात येईल, अशी माहिती महाराष्ट्र लोकसेवा आयोगाने दिली आहे. एकूण २९० पदांवरील भरतीकरीता ही परीक्षा घेण्यात येणार असल्याची माहिती त्यावेळी देण्यात आली होती, मात्र आता त्यामध्ये वाढ करण्यात आली आहे.