डिजिटल मेंबरशिप बाबत आज बैठक पार पडली. राजकीय आढाव्या बाबत या बैठकीत चर्चा झाली. यानंतर काँग्रेसचे प्रदेशाध्यक्ष नाना पटोले (Nana Patole) यांनी प्रतिक्रीया दिली. त्यांनी विविध विषयांवर भाष्य केले.

कोरोनामुळे काँग्रेस (Congress) मंत्र्यांनी जनता दरबार घेतले नाहीत. आता राज्यभर जनता दरबार घेतले जाणार, अशी माहिती नाना पटोले यांनी दिली.

अधिवेशनावरही भाष्य करताना नाना पटोले म्हणाले, “मुद्दामहून अधिवेशन विदर्भात (vidarbha) होत नाही असा आरोप विरोधकांनी करणे चुकीचे आहे. विदर्भाच्या विकासाचे विषय सुटावेत यासाठी आमचा प्रयत्न असेल. अधिवेशनाच्या पहिल्या आठड्यात अध्यक्ष पदाची निवडणूक होईल. सोबत मंत्र्यांना जी जबाबदारी देण्याचे काम माझ्याकडे आहे ते मी करणार..”