महाविकास आघाडीच्या छत्रपती संभाजीनगर येथील सभेत उद्धव ठाकरे यांच्या खुर्चीवरुन जोरदार राजकारण झाले. इतर नेत्यांपेक्षा उद्धव ठाकरे यांची खुर्ची वेगळी होती. त्यामुळे उद्धव ठाकरे हेच महाविकास आघाडीचे प्रमुख असल्याची चर्चा राजकीय वर्तुळात रंगली होती. दरम्यान आता नागपूर येथे महाविकास आघाडीची वज्रमुठ सभा होत आहे. काँग्रेस या सभेचे नेतृत्व करत आहे. या सभेतील व्यासपीठावर उद्धव ठाकरे यांना वेगळी खूर्ची मिळणार का?, अशी चर्चा रंगली आहे.

दरम्यान काँग्रेस प्रदेशाध्यक्ष नाना पटोले यांनी यावर भाष्य केले आहे. मी आधीच सुचना दिल्या आहेत. उद्धव ठाकरे यांच्या तब्येतीमुळे त्यांना वेगळी खुर्ची लागते. त्यामुळे मतभेद निर्माण होतात. उद्धव ठाकरे यांना लागते ती खुर्ची सर्वांना लावा, यामुळे मतभेत निर्माण होणार नाही, अशी सुचना दिल्याचे नाना पटोले म्हणाले.

छत्रपती संभाजीनगर येथे झालेल्या महाविकास आघाडीच्या सभेत मंचावर ठेवलेल्या खास खुर्चीने सर्वांचे लक्ष वेधून घेतले होते. शिवसेना, काँग्रेस आणि राष्ट्रवादी काँग्रेस (राष्ट्रवादी) यांच्या आघाडीने स्थापन केलेल्या महाविकास आघाडीच्या मंचावर सर्व नेत्यांसाठी अशाच खुर्च्या अपेक्षित होत्या.अशा स्थितीत उद्धव ठाकरेंना अतिरिक्त महत्त्व देत विशेष खुर्चीची व्यवस्था करण्यात आली होती त्यामुळे ही गोष्ट राजकीय वर्तुळात चर्चेचा केंद्रबिंदू ठरली.

याबाबत राष्ट्रवादीचे ज्येष्ठ नेते अजित पवार यांना विचारणा केली असता त्यांनी उद्धव ठाकरेंच्या पाठदुखीचा त्रास लक्षात घेऊन विशेष खुर्चीची व्यवस्था केल्याचे सांगितले. अजित पवारांचे उत्तर ठोस आणि तार्किक असेल, परंतु हे स्पष्ट झाले आहे की उद्धव ठाकरेंना एमव्हीएच्या राज्यातील नेत्यांमध्ये एका ज्येष्ठ राजकारण्याचा आदर नक्कीच आहे.

नाना पटोले या सभेला उपस्थित नव्हते. त्यामुळे चर्चेला उधाण आले होते. निवडक वक्त्यांच्या यादीत आपले नाव नसल्याचे समोर आल्यावर ते स्वतः मेळाव्याला उपस्थित राहिले नाहीत अशी चर्चा रंगली होती.