A shocking incident from Nanded where a young woman married her deceased lover’s body and demanded strict punishment for her own family, alleging their role in the murder.
esakal
Young woman marries murdered boyfriend in Nanded : नांदेड शहरातील जुना गंज भागात एक खळबळजनक घटना समोर आली आहे. या ठिकाणी एका तरूणीने चक्क आपल्या प्रियकराच्या मृतदेहाशी लग्न केलं आणि त्याच्या नावाचं कुंकू देखील लावून घेतलं. एवढच नाहीतर या तरूणीने तिच्या प्रियकराची हत्या करणाऱ्या आपल्या भावाला व वडिलांना फाशीची शिक्षा दिली जावी अशी मागणीही केली आहे.
या तरूणीचा प्रियकर सक्षम ताटे याची तिच्या वडिलांनी, भावांनी आणि त्यांच्या मित्रांनी मिळून निर्घृण हत्या केली. प्राप्त माहितीनुसार सुरुवातीस सक्षमवर गोळी झाडली गेली त्यानंतर त्याच्या डोक्यात फरशी घातली गेली, यामुळे त्याचा मृत्यू झाला.
विशेष म्हणजे तरूणीचा प्रियकर हा तिच्या भावाचा मित्र देखील होता. यामुळे त्याचे तरूणीच्या घरी येणेजाणेही होते. मात्र त्यांच्या प्रेमाची भनक लागल्यानंतर या प्रेमास तरूणीच्या घरून कडाकडून विरोध झाला. तरीही विरोधाला न जुमानता त्या दोघांनी प्रेमाच्या आणाभाका घेतल्या.
तरूणीच्या घरच्यांनी सक्षमला धमकावले देखील होते. तर मुलीची समजूतही काढली होती. परंतु त्याचा काही उपयोग होत नसल्याचे दिसल्याने तरूणीचे वडील गजानन मामीलवाड, भाऊ साहिल मामीलवाड, हिमेश मामीलवाड आणि त्यांच्या अन्य मित्रांनी सक्षमला जबर मारहाण केली, ज्याता त्याचा मृत्यू झाला.
यानंतर जेव्हा सक्षमचा मृतदेह घरी आला तेव्हा प्रचंड धक्का बसलेल्या तरूणींनी जोरात हंबरडा फोडला. यानंतर संताप व्यक्त करत आपल्या प्रियकाराच्या मृतदेहाशीच लग्न केलं आणि त्याच्या नावाचे कुंकूही लावले. यानंतर मग आपल्या वडील आणि भावांना फाशीची शिक्षा दिली जावी, अशी मागणी केली. तर आता मृत सक्षमच्या आईच्या फिर्यादीवरून इतवारा पोलिसांनी मुलीच्या वडील अन् भावांसह आठ जणांविरोधात खुनाचा अट्रॉसिटीचा गुन्हा दाखल केला आहे. शिवाय, या सर्वांना पोलिसांनी ताब्यातही घेतलेलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.