सावंतवाडी : माजी मुख्यमंत्री नारायण राणे यांचे पुत्र आणि भाजपचे उमेदवार नितेश राणे यांच्या प्रचारासाठी मुख्यमंत्री देवेंद्र फडणवीस हे येत्या 15 ऑक्टोबरला कणकवलीत प्रचारासाठी येणार आहेत. मुख्यमंत्री फडणवीस यांच्या उपस्थितीत नारायण राणे त्यांचा महाराष्ट्र स्वाभिमान पक्ष भाजपमध्ये विलीन करणार आहेत. याबाबतची घोषणाच नारायण राणे यांनी स्वत: आज (गुरुवार) केली.
नारायण राणे यांच्या भाजपप्रवेशाच्या चर्चा गेल्या काही दिवसांपासून सुरु आहेत. मात्र, त्यांच्या भाजपप्रवेशात अनेक अडचणी येत आहेत. तसेच त्यांचा महाराष्ट्र स्वाभिमान पक्ष भाजपमध्ये विलीन करणार असल्याचे सांगितले जात होते. मात्र, आता खुद्द नारायण राणे यांनीच यावर स्पष्टीकरण दिले आहे. त्यामध्ये ते म्हणाले, मुख्यमंत्री फडणवीस यांच्या उपस्थितीत नारायण राणे त्यांचा महाराष्ट्र स्वाभिमान पक्ष भाजपमध्ये विलीन करणार आहे. याशिवाय पक्ष विलीनीकरणानंतर भाजप ज्या ठिकाणी मला सभेसाठी पाठवेल तिथे जाऊन मी सभा घेईन, असेही नारायण राणे यांनी सांगितले.
युती तुटण्याला शिवसेनाच जबाबदार
कणकवलीतील भाजप-शिवसेनेची युती तुटण्याला शिवसेनाच जबाबदार आहे, असा आरोपही राणेंनी यावेळी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.