बीड : बलात्कारी म्हणून उल्लेख करुन बदनाम केल्याच्या वक्तव्यावर आक्षेप घेत राष्ट्रवादी युवक काँग्रेसचे (Nationalist Yuvak Congress) प्रदेशाध्यक्ष मेहबूब शेख (Mehaboob Shaikh) यांनी भारतीय जनता पक्षाच्या नेत्या चित्रा वाघ (Chitra Wagh) यांच्याविरुद्ध बीड येथील न्यायालयात ५० लाखांचा अब्रुनुकसानीचा दावा दाखल केला आहे. सोमवारी (ता.२०) वाघ यांना न्यायालयात शपथपत्र दाखल केले. त्यावर २१ डिसेंबर रोजी सुनावणी होणार आहे. जिल्ह्यातील (Beed) शिरुर कासार येथील व्यापारी विशाल कुलथे यांची हत्या मे २०२१ मध्ये झाली होती. त्यांच्या कुटुंबीयांना भेटण्यासाठी चित्रा वाघ १८ जुलै रोजी शिरुर कासारला आल्या होत्या.(Nationalist Yuvak Congress State President Mehaboob Shaikh Filed Defamation Case Against Chitra Wagh)

या प्रसंगी प्रसारमाध्यमांशी बोलताना मेहबूब शेख यांचा बलात्कारी असा उल्लेख त्यांनी केला होता. शेख यांनी चारित्र्यहनन केले म्हणून शिरुर पोलिस ठाण्यात चित्रा वाघ यांच्याविरुद्ध गुन्हा नोंदविला होता.