मुंबई : देशात बेरोजगारी मोठ्या प्रमाणात वाढली आहे. मोठ मोठे उद्योग बंद पडत आहे. यावर लवकर तोडगा निघाला पाहिजे. तसेच शेतकऱ्यांची समस्या अजूनही कायम आहे. त्यांचे समाधान व्हायला पाहिजे. उद्धव ठाकरे हे शेतकरी काजू-बदाम खातील असे म्हणाले होते. काजू-बदाम सोडा त्यांना भाजी व भाकरीही मिळणे कठीण झाले आहे, असा टोला खासदार नवनीत राणा (Navneet Rana) यांनी मुख्यमंत्री उद्धव ठाकरे (Uddhav Thackeray) यांना लगावला. (Navneet Rana slammed the Chief Minister on the issue of farmers)

खासदार नवनीत राणा व आमदार रवी राणा यांनी गुरुवारी (ता. १६) बेरोजगारी व शेतकऱ्यांच्या प्रश्नांना घेऊन राज्यपाल भगतसिंग कोश्यारी यांची भेट घेतली. यावेळी प्रसारमाध्यमांच्या प्रतिनिधींशी संवाद साधताना त्या बोलत होत्या. देवेंद्र फडणवीस हे मुख्यमंत्री असताना उद्योग महाराष्ट्रात आले होते. मात्र, कोरोनामुळे हे उद्योग बंद पडत आहे. यासाठी आपण काही केले पाहिजे, असेही नवनीत राणा (Navneet Rana) म्हणाल्या.

खासदार नवनीत राणा व आमदार रवी राणा यांनी गुरुवारी (ता. १६) बेरोजगारी व शेतकऱ्यांच्या प्रश्नांना घेऊन राज्यपाल भगतसिंग कोश्यारी यांची भेट घेतली. यावेळी प्रसारमाध्यमांच्या प्रतिनिधींशी संवाद साधताना त्या बोलत होत्या. देवेंद्र फडणवीस हे मुख्यमंत्री असताना उद्योग महाराष्ट्रात आले होते. मात्र, कोरोनामुळे हे उद्योग बंद पडत आहे. यासाठी आपण काही केले पाहिजे, असेही नवनीत राणा (Navneet Rana) म्हणाल्या.

शेतकऱ्यांना भाजी, भाकरही मिळणे कठीण

उद्धव ठाकरे यांनी मुख्यमंत्री (Uddhav Thackeray) होण्यापूर्वी शेतकऱ्यांच्या बांध्यापर्यंत जाण्याचे आश्वासन दिले होते. महाराष्ट्रातील शेतकरी काजू-बदाम खातील असे ते म्हणाले होते. काजू-बदाम सोडा त्यांना भाजी व भाकरही मिळणे कठीण झाले आहे. तेव्हा शेतकऱ्यांकडे लक्ष देणे गरजेचे आहे, असेही खासदार नवनीत राणा (Navneet Rana) म्हणाल्या.