मुंबई : एनसीबीच्या मुंबई झोनल युनिटने (NCB Mumbai) ड्रग्स तस्करांविरोधात मोठी कारवाई केली आहे. मुंबई विमानतळावरून (Mumbai Airport) ३ किलो ९८० ग्रॅम हेरॉईन जप्त करण्यात आले आहे. तसेच एका दक्षिण आफ्रिकेच्या नागरिकाला देखील एनसीबीने ताब्यात घेतलं आहे.

मुंबई विमानतळावर ड्रग्स असल्याची गुप्त माहिती एनसीबीच्या अधिकाऱ्यांना मिळाली होती. त्यानुसार एनसीबीच्या अधिकाऱ्यांनी कारवाई केली. यावेळी बॅगमध्ये ड्रग्सचे चार पाकिटे आढळून आले. यामध्ये जवळपास ३ कोलि ९८० ग्रॅम हेरॉईन होते. एनसीबीने हे ड्रग्स जप्त करून एका दक्षिण आफ्रिकेच्या नागरिकाला ताब्यात घेतले आहे.

दरम्यान, गेल्या १३ मार्चला दहीसर पोलिसांनी देखील ड्रग्स तस्करांविरोधात मोठी कारवाई केली होती. दहीसर टोल नाक्याजवळून ६ किलो ५६० ग्रॅम ड्रग्स जप्त करण्यात आले होते. या ड्रग्सची किंमती १ कोटी ९५ लाख रुपये होती. तसेच यावेळी उत्तर प्रदेशातील एका व्यक्तीला अटक करण्यात आली होती.