Maharashtra Politics : अजित पवारांच्या बंडानंतर त्यांच्या गटासोबत सुमारे ४० आमदार गेले आहेत. पण राष्ट्रवादी महिला काँग्रेसच्या प्रदेशाध्यक्षा आणि राज्य महिला आयोगाच्या अध्यक्षा रुपाली चाकणकर या कोणाच्या बाजुनं आहेत. याबाबत चर्चा सुरु झाली होती. पण आता त्या देखील अजित पवारांच्या बाजुनं असल्याचं स्पष्ट झालं आहे. कारण पवारांच्या पत्रकार परिषदेत त्यांनी हजेरी लावल्याचं दिसून आलं आहे.

पत्रकार परिषदेत अजित पवारांच्या गटाकडून महत्वाच्या नियुक्त्याही जाहीर करण्यात आल्या आहेत. यामध्ये राष्ट्रवादीच्या महिला आघाडीच्या अध्यक्षपदी रुपाली चाकणकर यांची नियुक्ती करण्यात आल्याचं नवे प्रदेशाध्यक्ष सुनील तटकरे यांनी जाहीर केलं. (Latest Marathi News)

या नियुक्तीनंतर चाकणकर म्हणाल्या, "महिला प्रदेशाध्यक्ष म्हणून नियुक्ती केल्याबद्दल पक्षाचे मनापासून धन्यवाद. महिलांच्या प्रश्नासाठी मी काम करेन. नियुक्तीबाबत मला राष्ट्रवादी काँग्रेस पक्षाच पत्र मिळालं आहे. आदरणीय पवार साहेब हे आमचे दैवत आहेत. गुरू पौर्णिमेच्या निमत्त त्यांना वंदन करते. इतिहासाची पुनरावृत्ती झाली असून हे सगळे प्रश्न पक्षासाठी आहेत, असंही रुपाली चाकणकर यावेळी म्हणाल्या" (Marathi Tajya Batmya)