राज्याचे विरोधी पक्षनेते अजित पवार आपल्या मिश्किल स्वभावामुळे नेहमीच चर्चेत येत असतात. मिश्किल टिप्पण्या, चेष्टा मस्करीमुळे चर्चेत असलेले दादांनी आता पुन्हा एकदा एका कार्यक्रमात हास्यकल्लोळ केला आहे. कार्यक्रमाला येतो पण मला विरोधी पक्षनेता म्हणू नका अशी गजब अट अजित पवारांनी घातल्याचं खुद्द त्यांनीच सांगितलंय.

अजित पवार आज अहमदनगरमधल्या श्रीगोंद्यामध्ये ते एका कार्यक्रमात बोलत होते. यावेळी त्यांनी कार्यक्रमानंतर जनतेशी संवाद साधला. त्यावेळी त्यांना कोणीतरी कार्यक्रमाला येण्याचं आमंत्रण दिलं. त्यावेळी त्याचं आमंत्रण स्विकारताना अजितदादांनी त्यांची चांगलीच चेष्टामस्करी केली. "मी कार्यक्रमाला येतो, फक्त मला विरोधी पक्षनेता म्हणू नका", असं अजित दादांनी म्हणतात उपस्थितांमध्ये चांगलाच हशा पिकला.

अजित दादांनी पुढेही चांगलीच मजा घेतली. आता कधी काय होईल हे सांगता येत नाही. त्यांच्या मनता आलं आणि ते २० लोक घेऊन गेले. सगळीकडे सध्या ओके ओके सुरू आहे, असं विधानही अजित पवारांनी यावेळी केलं आहे. यावेळी त्यांनी मुख्यमंत्री-उपमुख्यमंत्र्यांनाही अप्रत्यक्ष टोला लगावला आहे. आम्हीसुद्धा दरवर्षी गणपतीच्या दर्शनाला जातो, पण कॅमेरे घेऊन जात नाही. पूर्वी काही शो मॅन होते, तसे काही जण आता दिसतायत, असं विधान अजित पवारांनी केलं आहे.