पुणे : राष्ट्रवादी काँग्रेसचे सर्वेसर्वा शरद पवार यांनी आज सकाळी कोरोना लशीचा दुसरा डोस घेतला आहे. याआधी शरद पवार यांनी लशीचा पहिला डोस 1 मार्च रोजी घेतला होता. शरद पवार यांच्यावर नुकतीच एक शस्त्रक्रिया पार पडली आहे. पित्ताशयात खडे झाल्याचं निदान आल्यानंतर त्यांच्यावर ब्रीच कँडी रुग्णालयामध्ये शस्त्रक्रिया पार पडली. त्यानंतर ते घरीच असून विश्रांती घेत आहेत. त्यामुळे शरद पवार यांना लशीचा हा दुसरा डोस त्यांच्या घरीच देण्यात आला. हा डोस देताना त्यांची मुलगी आणि खासदार सुप्रिया सुळे, डॉक्टर तात्याराव लहाने हे देखील उपस्थित होते. याबाबतची माहिती स्वत: शरद पवार यांनीच आपल्या ट्विटरवरुन दिली आहे. तर सुप्रिया सुळे यांनी याचा व्हिडिओ देखील पोस्ट केला आहे.
शरद पवार यांनी ट्विट करत म्हटलंय की, आज सकाळी कोविड-19 लसीकरणाचा दुसरा डोस घेतला. डॉ. लहाने व त्यांच्या वैद्यकीय पथकाचे तसेच दोन्ही डोस कौशल्याने देणाऱ्या परिचारिका श्रीमती श्रद्धा मोरे यांचे मनापासून आभार!
पुढे त्यांनी म्हटलंय की, योगायोगाने आज जागतिक आरोग्य दिन आहे. या निमित्ताने मी सर्व नागरिकांना आवाहन करतो की आपणही कोविड लसीकरणाची प्रक्रिया लवकरात लवकर पूर्ण करून या विषाणूच्या लढाईत सक्रिय सहभाग नोंदवावा.
याआधी शरद पवारांनी 1 मार्चला कोरोना लसीचा पहिला डोस घेतला होता. मुंबईमधील जे. जे. रुग्णालयात जाऊन त्यांनी करोनाची लस घेतली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.