मुंबई : राष्ट्रवादी काँग्रेसचे अध्यक्ष शरद पवार यांच्याशी संपर्क करून अजित पवार आपल्या राजीनाम्यावर ठाम असल्याची माहिती मिळत आहे. त्यांची मनधरणी करण्याचे प्रयत्न सुरु आहेत. ईडीचा जो गलिछ्छ प्रकार सुरु आहे. त्या क्लेषातून राजकारणातूनच निव़ृत्त होण्याचा निर्णय त्यांनी घेतला आहे. ते कोणत्याही परिस्थितीत मागे फिरण्यास तुर्तास तरी तयार नसल्याची माहिती मिळत आहे. शरद पवार यांचा अजित पवारांना अल्टिमेटम दिला असून, दुपारी 3 वाजेपर्यंत अंतिम निर्णय कळवण्याचा संदेश दिला आहे.
शरद पवार यांचे त्यांना समजाविण्याचे शर्थीचे प्रयत्न सुरु आहेत. कुटुंबातील सर्व सदस्यांकडून अजित पवार यांची मनधरणी करण्यात येत आहे. लवकरच अजित पवार त्यांच्या निर्णयाबाबत पुन्हा एकदा विचारविनिमय करतील, अशी सूत्रांची माहिती आहे.
दरम्यान, एक ऑक्टोबरपासून शरद पवार यांनी राज्यव्यापी दौरा निश्चित केला आहे. या दौऱ्यात त्यांच्यासोबत राष्ट्रवादीचे प्रमुख नेते आणि त्या-त्या मतदारसंघातील उमेदवार राहणार आहेत. दोन दिवसांत राष्ट्रवादीच्या सर्व उमेदवारांची यादी जाहीर करण्यात येणार आहे. काँग्रेसच्या सोबतचा आघाडीचा संयुक्त जाहीरनामा प्रकाशित करण्याची चर्चा देखील पूर्ण झाली आहे. त्यामुळे आता शरद पवार पुन्हा एकदा प्रचारात सक्रीय होणार हे निश्चित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.