शिवसेनेच्या रणरागिनी, पीडित महिलांचा आवाज आणि ठाकरे गटाची बाजू अभ्यासू आणि खंबीरपणे मांडणाऱ्या विधान परिषदेच्या उपसभापती नीलम गोऱ्हे यांनी शिवसेनेत प्रवेश केला आहे. उद्धव ठाकरे आणि ठाकरे गटाला हा मोठा धक्का आहे. तर नीलम गोऱ्हे यांनी पक्ष सोडण्याचं कारण एका वृत्तवाहिनीला दिलेल्या मुलाखतीत बोलताना सांगितलं आहे. (Latest Marathi News)

'मी कोणतेही पद डोळ्यासमोर ठेऊन शिवसेनेत प्रवेश केला नसल्याचं विधानपरिषदेच्या उपसभापती निलम गोऱ्हे यांनी म्हंटलं आहे. उद्धव ठाकरे मुख्यमंत्री असताना मी त्यांना पत्र दिलं होतं. लोकांना त्यांनी भेटावं यासंदर्भात मी त्यांनी सांगितलं' असल्याचं निलम गोऱ्हे यावेळी म्हणाल्या आहेत. (Marathi Tajya Batmya)

'जेवढी लोकांची अपेक्षा आहे, तेवढा वेळ उद्धव ठाकरे यांनी दिला नाही' असं म्हणत ठाकरे गटात संवादाचा अभाव असल्याचंही निलम गोऱ्हे यांना म्हंटलं आहे. तर उद्धव ठाकरे मुख्यमंत्री झाले आणि त्यानंतर आजारी पडल्यानंतर आमची चर्चेची दार बंद झाल्याचं गोऱ्हे म्हणाल्या आहेत. आता त्यांना जास्त त्रास द्यायला नको म्हणून मी मुख्यमंत्री एकनाथ शिंदे यांच्या नेतृत्वात काम करण्याचा निर्णय घेतल्याचे गोऱ्हे यावेळी म्हणाल्या आहेत.(Latest Marathi News)

तर रश्मी ठाकरे यांच्याबद्दल बोलताना नीलम गोऱ्हे म्हणाल्या कि, रश्मी वहिनी गृहिणी आहेत. त्यांची भूमिका ही उद्धव ठाकरेंना पूरक असते. त्या उत्साही आणि क्रियाशील आहेत. त्या राजकारणात आल्या तर येऊ शकतात. त्यांना माझ्या शुभेच्छा आहेत.

तर ठाकरे गटाचे नेते आणि खासदार संजय राऊत यांनी खूप मदत केल्याचंही त्यांनी यावेळी सांगितलं आहे. आमदारकीच्या वेळीही मदत केल्याचे गोऱ्हे म्हणाल्या आहेत. तर आजच्या राजकारणात संजय राऊत यांचा बळी केला जात असल्याचेही निलम गोऱ्हे म्हणाल्या आहेत.तर संजय राऊत यांनी टोकाचं न बोलता वैचारिक मांडणी करावी असे देखील निलम गोऱ्हे म्हणाल्या आहेत. (Marathi Tajya Batmya)