राणा दांपत्याला मुंबईत पाय ठेवू देणार नाही अशी घोषणा दिल्यानंतर देखील काल राणा पती-पत्नी मुंबईत दाखल झाले. मातोश्री समोर जमलेल्या शिवसैनिकांनी मोहित कंबोज यांची गाडी मातोश्रीसमोरुन जात असताना त्यांच्या गाडीवर हल्ला केला. या घटनेनंतर भाजप नेत्यांकडून शिवसेना तसेच महाविकास आघाडी सरकारवर जोरदार टीका केली जात आहे. या दरम्यान नितेश राणे यांनी एक व्हिडिओ पोस्ट करत 'मौका सभी को मिलता है!' असा इशार दिला आहे.

भाजप नेते निलेश राणे यांनी त्याच्या ट्विटरवर एक व्हिडिओ क्लिप पोस्ट केली आहे. ही व्हिडिओ क्लीप ही प्रसिध्द बॉलिवुड गॅंगस्टर चित्रपट 'सत्या' मधील आहे. ज्यामध्ये जेलमधील प्रसिध्द सीन दाखवला आहे. या सीनमध्ये चित्रपटाचा हिरो सत्या हा भिकू म्हात्रेच्या गळ्यावर चाकू ठेवून म्हणतो "...मौका सभी को मिलता है!." नितेश राणे यांनी देखील हा व्हिडिओ "मौका सभी को मिलता है! हम आपके साथ है! मोहित भारतीय" असं कॅप्शन देत ही क्लीप ट्विट केली आहे. या त्यामुळे सध्या या ट्विटची राजकीय वर्तुळात चर्चा सुरू आहे.

दरम्यान हनुमान चालिसा पठण करण्यावरून शिवसेना आणि आमदार रवी राणा आणि खासदार नवणीत राणा हे दाम्पत्य आमनेसामने आले आहे. आज सकाळी नऊ वाजता मातोश्रीच्या बाहेर हनुमान चालीसा पठण करणार असल्याचं आव्हान राणा पती-पत्नी यांनी दिलं आहे. यावरून शिवसैनिकांमध्ये संतापचे वातावरण आहे.