जळगाव: जळगावमध्ये ओबीसी हक्क परिषद (obc right council) सुरु आहे. त्यामध्ये मंत्री छगन भुजबळ (chhagan bhujbal) बोलत आहे. "इथे सगळे जोरजोरात बोललेत, जरा संभाळून राहा. उद्या इन्कम टॅक्स घरी येईल. जे घाबरलेत त्यांनी ताबडतोब भाजपमध्ये (bjp) जायचं. मग सारं काही माफ होत" असा टोला भुजबळांनी लगावला. "गुलाबराव पाटील (gulabrao patil) मंत्रिमंडळात ओबीसीच्या प्रश्नावर न घाबरता बोलतात. ओबीसी मंत्री खूप आहेत, पण बोलणारे फार कमी आहेत" असे भुजबळ म्हणाले.

"जेलमध्ये असताना माझी प्रकृती फार गंभीर झाली होती. त्यावेळी कपिल पाटील विधानमंडळात उभे राहिलेत. त्यांनी माझा जीव वाचवला. काय वागणूक देताय तुम्ही, औषध-पाणी वेळेवर देत नाही असे प्रश्न सरकारला विचारले. पवार साहेबांनी पत्र लिहिलं. भुजबळांच काही वाईट झालं, तर हे सरकार जबाबदार असेल" असं ठणकावून सांगितलं.

"या देशात साडेसात हजार जाती होत्या. या सगळ्यात मोठा ग्रुप ओबीसीचा आहे. सरकार जे देईल तुम्हाला ओबीसी म्हणून देईल. तुम्ही एकत्र आलात तर ताकद दिसेल. ती ताकत उत्तर भारतात दिसली आणि ते सत्तेवर आले. भारत सरकार फोडा आणि राज्य कराने वागतय" असा आरोप भुजबळांनी केला.