Ajit Pawar : राज्याचं अर्थसंकल्पीय अधिवेशन सध्या सुरू आहे. या अधिवेशनामध्ये राज्य सरकारच्या जाहिरातींवरुन विरोधकांनी सरकारचे चांगलेच कान टोचले आहेत. आज पुन्हा एकदा विरोधी पक्षनेते अजित पवारांनी या मुद्द्यावरुन राज्य सरकारवर टीका केली आहे. (Opposition leader Ajit Pawar on Advertising by maharashtra government cm eknath shinde devendra fadnavis)

या नऊ महिन्यात या सरकारने जाहिरातीवर जितका खर्च केल, तेवढा खर्च महाराष्ट्र राज्य अस्तित्वात आल्यापासून कोणी केला नसेल, असा दावा अजित पवारांनी विधानसभेत बोलताना केला आहे. जाहिरातीने पूर्ण मुंबई व्यापून टाकलीय, मोठमोठे कटआऊट लावले आहेत, असंही अजित पवार म्हणाले.

यापूर्वीही अजित पवारांनी राज्य सरकारला खडे बोल सुनावले होते. १७ कोटीहून अधिक रक्कम सरकारने शासकीय जाहिरातींवर खर्च केली आहे, अशी माहिती अजित पवारांनी विधानसभेत बोलताना दिली होती.

अजित पवारांच्या या टीकेला मुख्यमंत्री एकनाथ शिंदे यांनी उत्तरही दिलं होतं. या आधी फक्त एकच जाहिरात होती. माझं कुटुंब, माझी जबाबदारी एवढंच आधी होतं. पण आता माझा महाराष्ट्र गतिमान महाराष्ट्र असं आमचं ब्रीदवाक्य आहे, असं प्रत्युत्तर मुख्यमंत्री शिंदे यांनी अजित पवारांना दिलं होतं.