उस्मानाबादः स्वतंत्र मराठवाड्याच्या प्रश्नावर गुणरत्न सदावर्ते यांनी आज संवाद परिषद आयोजित केली होती. यावेळी पोलिसांनी मराठा संघटनांच्या पदाधिकाऱ्यांना ताब्यात घेतलं. या परिषदेनंतर Adv. सदावर्ते यांनी जितेंद्र आव्हाड यांच्यावर टीकास्र सोडलं.

जितेंद्र आव्हाड यांच्यावर दाखल झालेल्या विनयभंग प्रकरणावरुन गुणरत्न सदावर्ते यांनी खालच्या स्तराला जावून टीका केली. त्यांनी पत्नी जयश्री यांना मिठी मारत ''ओ जितेंद्र आव्हाड अशी स्वतःची बायको स्वतःसोबत ठेवली की विनयभंगाचे आरोप होत नसतात आणि विनयभंगही होत नसतो. खरंखरं प्रेम सोबत ठेवायचं... महिला भगिनींचा आदर ठेवायचा, हे धडे तुम्हाला कुणी देणार नाही, ते मलाच द्यावे लागतील.'' असं सदावर्ते म्हणाले.

हेही वाचा: मुदत ठेवीच्या मुद्दलातून टीडीएस कपात? इथे करा तक्रार....

पुढे बोलतांना सदावर्ते म्हणाले की, अत्याचारी महिलेला जातीबद्दल बोलणं चुकीचं आहे. याबाबत महिला आयोग कारवाई करेल. श्रद्धा प्रकरणात तत्कालीन गृहमंत्र्यांवर कारवाई करावी, अशी मागणी त्यांनी केली आहे.

स्वतंत्र मराठवाड्याच्या मुद्द्यावर सदावर्ते म्हणाले की, प्रातिनिधीक स्वरुपातील ही संवाद परिषद यशस्वी झाली आहे. पुढचं पाऊल मुंबईतून आहे. यासाठीचं कार्यालय, न्यायालयीन लाढाई आणि रस्त्यावरील लढाई याबद्दल नियोजन केले जाईल, असं सदावर्ते म्हणाले.