Shivsena News: निवडणूक आयोगाने शिंदे गटाला धनुष्यबाण चिन्हासह पक्षाचं नाव दिलं आहे. निवडणूक आयोगाच्या या निर्णया नंतर उद्धव ठाकरे गटाला हा मोठा धक्का बसला आहे. त्यानंतर आता पुन्हा एकदा सुप्रिम कोर्टाचा दरवाजा ठोठावला आहे.

शिंदे गटाला शिवसेना भवन, शिवसेनेच्या शाखा, आणि पक्षाचा निधी मिळावा, यासाठी एका वकीलाने सुप्रिम कोर्टात याचिका दाखल केली असून त्यावर २४ एप्रिलला सुनावणी घेण्याची मागणी केली आहे.

शिवसेना पक्ष कोणाचा याबाबत निवडणूक आयोगाने निर्णय दिला आहे. याचा आधार घेत वकील.आशिष गिरी यांच्याकडून सुप्रिम कोर्टात याचिका दाखल करण्यात आली आहे. या याचिकेमध्ये शिवसेनेच्या संपत्तीवर दावा करण्यात आला आहे.

तसेच शिवसेना भवन, मुंबईमधील शिवसेनेच्या शाखा आणि पक्षाचा पक्षनिधी शिंदे गटाच्या शिवसेनेकडे वर्ग करण्याची मागणी देखील या याचिकेत करण्यात आली आहे.

मुळ शिवसेनेची मोठा पक्षनिधी आहे. याशिवाय शिवसेनेच्या अनेक संस्था, कार्यालयं, शाखा आहेत. त्यावर कोणाचा हक्क याकडे न्यायालय याकडे कशा प्रकारे पाहतं हे महत्त्वाचं आहे. शिवसेना पक्ष कुणाचा यावर निवडणूक आयोगाने निर्णय दिला आहे.

त्यामुळे शिवसेनेच्या नावे बँक खातं केवळ शिवसेनेचं असेल, तर त्याचे सर्व अधिकार शिंदे गटाला जातात. त्यामुळे तो पक्षनिधी शिंदे गटाकडे वर्ग करा अशी मागणी या याचिकेतून करण्यात आली आहे.